വത്തിക്കാന്‍സിറ്റി: ആഗോള കത്തോലിക്കാ സഭാ തലവനായ മാര്‍പാപ്പ ലിയോ പതിനാലാമന്‍ തന്റെ കരിയറിലെ ഏറ്റവും ദൈര്‍ഘ്യമേറിയതും ദൂരമേറിയതുമായ ദക്ഷിണ അമേരിക്കന്‍ പര്യടനത്തിന് ഔദ്യോഗികമായി തുടക്കമിട്ടു. വെള്ളി പുലര്‍ച്ചെ റോമിലെ ഫിയുമിചിനോ വിമാനത്താവളത്തില്‍ നിന്ന് പ്രത്യേക വിമാനത്തിലാണ് 71 കാരനായ അമേരിക്കന്‍ വംശജനായ മാര്‍പാപ്പ യാത്ര തിരിച്ചത്. മൂന്ന് ആഴ്ചകള്‍ക്ക് മുന്‍പ് ശ്വാസകോശത്തിലെ അര്‍ബുദ ശസ്ത്രക്രിയയ്ക്ക് വിധേയനായ ശേഷമുള്ള അദ്ദേഹത്തിന്റെ ആദ്യ വലിയ വിദേശയാത്രയാണിത്.13 മണിക്കൂറിലധികം നീണ്ട വിമാനയാത്രയ്ക്ക് ശേഷം ഉറുഗ്വേയില്‍ എത്തുന്ന മാര്‍പാപ്പ, അവിടെ മൂന്ന് ദിവസം ചെലവഴിച്ച ശേഷം അര്‍ജന്റീന, പെറു എന്നീ രാജ്യങ്ങളും സന്ദര്‍ശിക്കും. ലോകത്തെ ആകെ കത്തോലിക്കരില്‍ 40 ശതമാനവും വസിക്കുന്നത് ലാറ്റിന്‍ അമേരിക്കയിലാണെങ്കിലും, സമീപകാലത്തായി ഈ മേഖലയില്‍ കത്തോലിക്കാ വിശ്വാസികളുടെ എണ്ണത്തില്‍ ഗണ്യമായ കുറവുണ്ടായിട്ടുണ്ട്. ഈ പശ്ചാത്തലത്തിലാണ് മാര്‍പാപ്പയുടെ നിര്‍ണ്ണായക സന്ദര്‍ശനം.
വ്യത്യസ്ത രാജ്യങ്ങളിലെ സന്ദര്‍ശനത്തിന്റെ പ്രധാന ലക്ഷ്യങ്ങള്‍:
ഉറുഗ്വേ (ഉയര്‍ന്ന മതേതരത്വമുള്ള രാജ്യം): 1988~ന് ശേഷം ആദ്യമായാണ് ഒരു മാര്‍പാപ്പ ഉറുഗ്വേ സന്ദര്‍ശിക്കുന്നത്. മയക്കുമരുന്ന് നിയമവിധേയമാക്കല്‍, ഗര്‍ഭച്ഛിദ്രം, സ്വവര്‍ഗ്ഗ വിവാഹം തുടങ്ങിയ പുരോഗമനപരമായ നിയമങ്ങളിലൂടെ ശ്രദ്ധേയമായ ഉറുഗ്വേയില്‍, കത്തോലിക്കാ വിശ്വാസം പുനരുജ്ജീവിപ്പിക്കുക എന്നതാണ് പ്രധാന ലക്ഷ്യം. മണ്‍്ഡിവീഡിയോയിലെ സെന്റനേരിയോ സ്റേറഡിയത്തില്‍ നടക്കുന്ന പ്രാര്‍ത്ഥനാ ശുശ്രൂഷയ്ക്കുള്ള ടിക്കറ്റുകള്‍ വെറും രണ്ടു ദിവസത്തിനുള്ളില്‍ വിറ്റുതീര്‍ന്നത് വലിയ ആവേശമാണ് സൃഷ്ടിച്ചിരിക്കുന്നത്. സെന്റര്‍~ലെഫ്റ്റ് നേതാവും പ്രസിഡന്റുമായ യാമന്ദു ഒര്‍സിയുമായി അദ്ദേഹം കൂടിക്കാഴ്ച നടത്തും.
അര്‍ജന്റീന (മുന്‍ഗാമി ഫാന്‍സയിസ് പാപ്പയുടെ നാട്): മുന്‍ മാര്‍പാപ്പയായ ഫ്രാന്‍സിസ് തന്റെ ഔദ്യോഗിക കാലയളവില്‍ ഒരിക്കല്‍ പോലും മാതൃരാജ്യമായ അര്‍ജന്റീന സന്ദര്‍ശിക്കാത്തതിന്റെ നിരാശയിലാണ് അവിടുത്തെ ജനങ്ങള്‍. ആ കുറവ് നികത്താനാണ് ലിയോ മാര്‍പാപ്പയുടെ ഈ സന്ദര്‍ശനം. കടുത്ത സാമ്പത്തിക പരിഷ്കാരങ്ങളിലൂടെ കടന്നുപോകുന്ന അര്‍ജന്റീനയില്‍ പ്രസിഡന്റ് ജാവിയര്‍ മിലെയുമായും, വ്യവസായ പ്രമുഖരുമായും, തൊഴിലാളി പ്രതിനിധികളുമായും അദ്ദേഹം ചര്‍ച്ചകള്‍ നടത്തും.
പെറു (തന്റെ പഴയ കര്‍മ്മഭൂമി): പര്യടനത്തിന്റെ അവസാന ഘട്ടത്തില്‍ പെറുവില്‍ എത്തുന്ന മാര്‍പാപ്പ, താന്‍ രണ്ട് പതിറ്റാണ്ടോളം ദീര്‍ഘകാലം സേവനം അനുഷ്ഠിച്ച ചിക്ളായോ (ഇവശരഹമ്യീ) രൂപത സന്ദര്‍ശിക്കും. പെറുവിലെ തദ്ദേശീയ ജനവിഭാഗങ്ങളെ ആദരിക്കുന്നതിന്റെ ഭാഗമായി ആമസോണ്‍ കാടുകളിലെ പുക്കാല്‍പ (Pucallpa) ഉള്‍പ്പെടെയുള്ള സ്ഥലങ്ങളിലും അദ്ദേഹം വിശുദ്ധ കുര്‍ബാന അര്‍പ്പിക്കും.
ലാറ്റിന്‍ അമേരിക്കയില്‍ ക്രമാതീതമായി കുറഞ്ഞുവരുന്ന വിശ്വാസികളെ തിരികെ പിടിക്കുന്നതിനും സഭയുടെ സാന്നിദ്ധ്യം ശക്തമാക്കുന്നതിനും ഈ 12 ദിവസത്തെ സന്ദര്‍ശനം വലിയ വഴിത്തിരിവാകുമെന്നാണ് കരുതപ്പെടുന്നത്.
Comments: